Innlent

Lögreglan biður foreldra að skoða hrekkjavökusælgæti

Lögreglan á Norðurlandi eystra biður foreldra að yfirfara sælgæti barna sinna eftir tilkynningu um nálar í nokkrum súkkulaðistykkjum á Akureyri. Aðeins ein slík tilkynning hafði borist þegar lögreglan greindi frá málinu.

Ritstjórn Hnýsis · Birt 1. nóvember 2026, kl. 16:00

Tilkynnt um nálar í nokkrum stykkjum

Lögreglan á Norðurlandi eystra hefur varað við aðskotahlutum í sælgæti sem dreift var á Akureyri vegna hrekkjavöku. Tilefnið er tilkynning um nálar sem fundust í nokkrum súkkulaðistykkjum.

Í tilkynningu lögreglunnar kom fram að nálum hefði verið stungið í nokkur Þrist- og Milky Way-súkkulaðistykki. Lögreglan hafði þá aðeins fengið eina tilkynningu um slíkt tilvik.

Foreldrar hvattir til að gæta varúðar

Lögreglan biður foreldra að fara yfir sælgætið sem börn þeirra fengu og sýna aðgát. Fólk sem veit um sambærileg tilvik er hvatt til að hafa samband við lögregluna á Norðurlandi eystra.