Viðskipti
Kaldvík boðar hlutafjáraukningu samhliða endurfjármögnun
Kaldvík segir nýtt samkomulag við lánveitendur háð því að félagið afli aukins hlutafjár. Stefnt er að útboði sem skili að minnsta kosti 97 milljónum evra fyrir frádrátt.
Ritstjórn Hnýsis · Birt 30. október 2026, kl. 16:51
Laxeldisfyrirtækið Kaldvík hefur kynnt skilyrt samkomulag við lánveitendur um endurfjármögnun. Austurfrétt og mbl.is greina frá áformunum. Samkvæmt tilkynningu félagsins er gert ráð fyrir að afla nýs hlutafjár á síðasta fjórðungi ársins.
Kaldvík segir hlutafjárútboðið þurfa að skila að lágmarki 97 milljónum evra áður en skuldir og kostnaður eru dregin frá. Eftir þann frádrátt eigi að minnsta kosti 70 milljónir evra að standa eftir hjá félaginu. Hlutafjáraukningin er skilyrði endurfjármögnunarinnar.
Lánasamkomulagið nær til Arion banka, DNB, Landsbankans og Nordea. Fyrirhugaður lánarammi hækkar úr um 207 milljónum evra í um 232 milljónir og lokagjalddagi verður 30. júní 2030 ef skilyrðin ganga eftir. Ekki hefur verið tilkynnt að hlutafjárútboðinu sé lokið.
