Erlent

Námsmenn og launafólk mótmæla dýrtíð á Ítalíu

Þúsundir gengu um Róm í tengslum við verkfall USB-stéttarfélagsins á föstudag, samkvæmt Euronews. Mótmælin beinast meðal annars að framfærslukostnaði og fjármögnun skóla.

Ritstjórn Hnýsis · Birt 30. október 2026, kl. 16:53

Þúsundir mótmælenda gengu um Róm föstudaginn 30. október þegar verkfall fór fram að boði ítalska stéttarfélagsins USB. Euronews greinir frá göngunni og Deutsche Welle segir námsmenn og launafólk hafa komið saman víða á Ítalíu.

Kröfur mótmælenda snúa að auknu fé til skóla og aðgerðum gegn hækkandi framfærslukostnaði. Deutsche Welle segir mótmælin fylgja margra vikna setum námsmanna í skólum og andstöðu við aukin hernaðarútgjöld.

RÚV greindi fyrr um daginn frá því að námsmenn hyggðust leggja niður nám í mótmælaskyni og að húsnæðismál væru einnig meðal áhersluatriða þeirra. Þar kom fram að dýrtíð og eldsneytiskostnaður hefðu jafnframt vakið óánægju meðal annarra hópa.