Innlent
Ráðuneytið boðar 37,1 milljón króna til fjarskipta
Innviðaráðuneytið segir framlög sín til styrkingar fjarskiptainnviða á fimm stöðum nema 37,1 milljón króna. Verkefnin eiga að bæta farnetsþjónustu og draga úr hættu á alvarlegum truflunum.
Ritstjórn Hnýsis · Birt 31. október 2026, kl. 11:28
Safnmynd af Geirþjófsfirði á Vestfjörðum. Ljósmynd: Diego Delso. · Diego Delso · Uppruni myndar · CC BY-SA 4.0Tveir samningar undirritaðir
Innviðaráðuneytið segir að Eyjólfur Ármannsson innviðaráðherra hafi 30. október undirritað tvo samninga um bætt fjarskipti á fimm stöðum. Annar samningurinn er við Borgarbyggð en hinn við Öryggisfjarskipti.
Samkvæmt tilkynningu innviðaráðuneytisins nema framlög þess til verkefnanna samtals 37,1 milljón króna. Undirbúningur er þegar hafinn og verklok eru fyrirhuguð vorið 2027.
Nýr sendistaður á Mýrum
Samningurinn við Borgarbyggð snýr að bættri farnetsþjónustu í sveitarfélaginu. Unnur Brá Konráðsdóttir sveitarstjóri undirritaði hann fyrir hönd Borgarbyggðar. Reisa á nýjan sendistað nærri Staðarhrauni á Mýrum til að bæta almennt farnet og aðgengi að neyðarsímtölum á svæðinu sunnan Ljósufjalla við Grjótárvatn og í Hítardal.
Hinn samningurinn tekur til fjögurra svæða. Styrkja á fjarskiptainnviði á Dynjandisheiði og við Látrabjarg á Vestfjörðum, við Glym í Hvalfirði og í Mjóafirði á Austurlandi.
Ráðuneytið segir verkefnin eiga að auka útbreiðslu farnets á stofnvegum og fjölförnum ferðamannastöðum. Þeim er jafnframt ætlað að minnka hættu á alvarlegum þjónustutruflunum og auka öryggi fjarskipta.
