Viðskipti

Arion banki tilkynnir um einkaviðræður vegna Blikastaðalands

Arion banki tilkynnti að einkaviðræður yrðu teknar upp við Íslensk verðbréf vegna fyrirhugaðra kaupa sérhæfðs sjóðs á eignarhlut í Blikastaðalandi. Kaupverðið á að vera á bilinu 14 til 16 milljarðar króna.

Ritstjórn Hnýsis · Birt 30. október 2026, kl. 15:54

Samkvæmt tilkynningu Arion banka, sem RÚV greinir frá, á bankinn í einkaviðræðum við Íslensk verðbréf um fyrirhuguð kaup á Blikastaðalandi. Íslensk verðbréf koma fram fyrir hönd sérhæfðs sjóðs sem enn hefur ekki verið stofnaður.

Viðræðurnar varða allan eignarhlut Landeyja ehf., dótturfélags bankans, í Blikastaðalandi ehf. Blikastaðaland er í Mosfellsbæ og félagið hefur þar með höndum eignarhald og þróun landsins.

Í tilkynningunni segir að kaupverðið eigi að vera innan áður kynnts verðbils, eða 14 til 16 milljarðar króna. Klasi yrði kjölfestufjárfestir í sjóðnum og sæi um þróun verkefnisins ef áformin ganga eftir.