Innlent

Matvælastofnun varar við tveimur lotum af Kornax kökublöndu

Lífland hefur innkallað tilteknar pakkningar af kanilsnúðaköku eftir að plast fannst í meðfylgjandi kanilsykri. Innköllunin er afmörkuð við tvö lotunúmer.

Ritstjórn Hnýsis · Birt 30. október 2026, kl. 16:48

Matvælastofnun hefur birt viðvörun vegna innköllunar á Kornax kanilsnúðaköku í 475 gramma pakkningum. Lífland stendur að innkölluninni í samráði við Heilbrigðiseftirlit Reykjavíkur, samkvæmt stofnuninni og frétt Tíguls.

Lotunúmerin sem um ræðir eru 15012534403, merkt best fyrir 18. ágúst 2026, og 15012546102, merkt best fyrir 10. nóvember 2026. Strikamerkið er 5690453977919. Plastbitinn fannst í pokanum með kanilsykri sem fylgir blöndunni.

Samkvæmt Matvælastofnun nær innköllunin eingöngu til þessara tveggja lota. Stofnunin segir kaupendur þeirra ekki eiga að neyta vörunnar heldur farga henni eða skila henni í verslun Líflands í Korputorgi í Reykjavík.