Innlent
Hafnarfjarðarbær tilkynnir um niðurlagningu 23 starfa
Hafnarfjarðarbær segir að 23 störf verði lögð niður í hagræðingaraðgerðum. Nettófækkun stöðugilda verður 18,6 þar sem þremur starfsmönnum verða boðin önnur störf.
Ritstjórn Hnýsis · Birt 30. október 2026, kl. 15:52
Ráðhús Hafnarfjarðar og Bæjarbíó á safnmynd. · Ypsilon from Finland · Uppruni myndarHafnarfjarðarbær hefur tilkynnt að 23 störf, samtals 21,6 stöðugildi, verði lögð niður. Þremur starfsmönnum verða boðin önnur störf hjá sveitarfélaginu og verður nettófækkunin því 18,6 stöðugildi.
RÚV greinir frá því að bæjarráð hafi samþykkt fækkunina og að hún komi til framkvæmda á næsta ári. Samkvæmt tilkynningu bæjarins ná breytingarnar til stjórnunar-, sérfræði- og stoðstarfa á öllum sviðum sveitarfélagsins. Áætlað er að þær lækki árlegan rekstrarkostnað um 330 milljónir króna.
Dregið úr ráðningum
Bærinn segir að aðgerðirnar séu svar við fjárhagsstöðu sveitarfélagsins og eigi að stuðla að sjálfbærari rekstri til lengri tíma. Einnig á að takmarka ráðningar og leggja allar ráðningar í störf utan grunnþjónustu fyrir ráðningarnefnd.
